Der Spiegel: "Kurdistan buhushtê li ser zemîn e." Perestgeha Herî kevin a Cîhanê li Girê Xirabreşkê/Navokê (Ruha)
|
23/3.6.06 |
|
Kurdistan - buhushta serzemînî Govara almanî Der Spiegel, di vê jimareya xwe ya 23-3-2006'ê de nivîsiye, ku "buhuşhta ku li Încîlê bahsa wî dihêt kirin, Girê Xirabreşkê/Navokê ("Göbekli Tepe") yê li Ruha'yê bi xwe be." Ev xebata lêkolînî, ya ku govara almanî mijarê li ser bergê xwe weşandiye û 11 rûpel jî berfireh vedaye, xwe dispêre pirtûka nivîsevanê înglîz David Rohl'î, yê bi navê 'Legend' - anku efsane. Li vir dihêt gotin, ku li gor lêkolînên arkeologîkî yên li vî şûnewarê bi navê Girê Xirabreşkê/Navokê, gava Adem û Hewa ji bihuştê hatine derxistin, li vir jiyane. Di govarê de dihêt bahskirin, ku di encama van lêkolînan de xuya bûye, ku yekemîn car hunera chandinê li vir rû daye. Her wisan jî kevintirîn perestgeha (ma'bed) li cihanê, li vî şûnewarî ye. Der Spiegel da zanînê, encama lêkolînan spartekên grîng nîşa me dide, ku li vê herêmê, 'serdemek zêrîn a serdema berdî (kevirî)", rû daye û pêk hatiye. Arkeolog Klaus Schmidt ku rêberiya van lêkolînên arkeologîkî kiriye, dibêje ku di demek nêzîk de wê nav û dengê vî ciyê li temamê cîhanê belav bibe. Klaus Schmidt dibêje perestgeha ku di encama lêkolînan de hatiye meydanê, xwedî temenê 11 hezar salî ye û ev nuha şopên yekemîn şaristaniyê ji me re dide xuyakirin. Li gor zaniyarên ku di berhema nivîsevanê înglîz Rohl'î de hatine diyarkirin, lêkolînên van demên dawiyê nîşa me didin, ku Kurdistana mêjûyî, welatê pêşemîn 'mirovan' bûye. Li govara Der Spiegel'ê hatiye diyarkirin, agahdariyên ku li Încîlê hatine dayinê, van destkeftên ku li encama lêkolînên li vê herêmê bi dest ve hatine hevdû piştrast dikin. Dihêt gotin ku di vegotina (taswîr) buhuştê ya li Încîlê bahs û çêla çem û rûbaran dihêt kirin - ku her wisan li vê herêmê gelek çem û rûbar hene. Li gor pirtûkên pîroz 'Xwuda li ser ruyê erdê buhuştek ava kiriye û vê buhuştê bi çar çeman avedan kiriye; Bîjon, Gîjon, Firat û Dîcle.' Her du çemên pêşîn çikiyane ta î roj, lê Firat û Dîcle hê jî bi xurtî diherikin. Li Încîlê
dihêt bashkirin, ku gulistana buhuştê li ser girekî
avadan e - her wisan herêma Girê Xirabreşkê/Navokê
jî li ser girekî ye.
NATURE OF KURDISTAN KURDISTAN |
|
