Ehmedê KHANÎ

Mem and Zin

Navdartirîn kitêba kurdî a klasîk Mem û Zîn bi ingilîzî hate çapkirin. Berhema sereke a Ehmedê Xanî, sîmayê tarîxî yê herî girîng ê kultur, raman, ziman û edebiyata kurdî, berê bi gelek zimanan hatibû wergerandin, vê carê jî bi ingilîzî, bi wergera zimanzan û lêkolîner Salah Saadalla çap bû.

Kitêba ku ji 256 rûpelan pêk tê, ji aliyê wênesaz Mihemed Arif ve hatiye resimkirin û bi çapek taybet, bi cildê stûr û fistan hatiye çapkirin. Amadekariya kitêbê ji aliyê Sînemxan Bedirxan ve hatiye kirin û kitêb bi yarmetiya Hikûmeta Herêma Kurdistan û alîkariya wesanxaneyên kurdî Avesta û Spîrêz çap bûye.