GORAN
CANDAN : EM Ê ÎMPARATORIYA WEŞANÊN KURDÎ
AVA BIKIN!
Sêşemb, 18 îlon 2003
Dergush:
Weşanxaneya SARAyê 'SARA DISTRIBUTION' ku ev 20 sal in xizmeta
edebiyata kurdî dike, li Ewrûpayê wekî sektora
belavkirinê ya herî mezin a kurdî tê zanîn.
Berpirsê Navenda Çap û Belavkirina Weşanên
Kurdî – SARA birêz Goran Candan ji malpera me
dergush re daxwiyaniyeke nivîskî ragihand û diyar
kir, ku ev e 20 salin Navenda Çap û Belavkirina
Weşanên Kurdî – SARA xebata xwe li tevaya
cîhanê dimeşîne û di komkirina pirtûkan
de, arşîva wê îro digîje zêdetirî
50 hezar pirtûk, kovar û rojnameyên kurdî.
Ev
e dirêjayiya daxwiyaniyê:
„Î
sal 20-saliya damezirandina Navenda Çap û Belavkirina
Weşanên Kurdî - SARAyê ye. Ev e bîst sal
e ku SARA li qada cîhanî bi karê belavkirina wêjeya
kurdî dirabe.
Î
roj li arşîvxaneya SARAyê ji ser 50 hezarî pirtûk,
govar, rojname, kasêt, LP, CD, VHS û DVD'yên kurdî
komê ser hev bûne.
Berî her tiştî SARA, vê arşîva xwe ya nadîde
dixe ber xizmeta nivîsevan û lêkolerên,
ku karê wan pêşvebirina ziman, wêje û çanda
kurdî ye.
Deriyê SARAyê ji kesayet û xebatkarên
çanda kurdî re her dem vekirî ye. Her bi vê
sedemê, Navenda SARAyê dîsan dixwaze rabigehîne
We hêjayan, ku heger We weşanek taybet a kurdî pêwîst
be, hûn dikarin bêdudilî vê weşanê
ji Navenda SARAyê bi dest xin. Her wisan jî em ê
gelekî dilxweş bibin, heger We berhemên kurdî
yên ji bo belavkirinê hebin, Hûn ji çakiya
xwe ew bisînin ji SARA'yê re. Yan jî heger di
kitêbxaneya We de pirtûkên serzêde hebin,
ji çakiya xwe, wan bisînin ji SARAyê re daku
SARA Împaratoriya Weşanên Kurdî ava bike. Her
wisan jî, ji çakiya xwe, ji her berhemên nuhderketî,
ji Arşîvxaneya SARAyê re 4 ta 5 nusxeyan verêkin.“
Herweha
di malpera dergush de nivîseke birêz Goran Candan, bi
navê „Kurdistan - Bingeha Saristaniyê
-I-„ jî heye.
Agahî:
Kurdish Book Bank - SARA
www.kurdishbookbank.org
+46 70 791 36 06
+46 8 33 12 29
Navnîşan:
KURDISH
BOOK BANK - SARA
Dalag.
42
S-113
24 Stockholm
SWEDEN
|
