Home  |  Destpêk  |  Ana Sayfa

HEMREŞ REŞO 1939 - 2002

Mamoste Hemreş Reşo li mêjuyê 11/2 sala 1939ê li gundê Saqoyê li qeza Kolikê ku li nav herêma bajarê Semsûrê (Adiyaman) ye, hatiye dunyayê. Dibistana destpêkî û navînî li Kolikê xwendiye. Kolêja Amerîkî li bajarê Cesaria'yê (Kayseri) biriye serî. Di navbera salên 1957-1960î de li Stanbolê xwandina xwe ya lîse'yê temam kiriye. Di salên 1961-1963yî de jî, li Anqerê xwendina zankoyî (unîversîte) ya ''Ankara Hukuk Fakultesi'' biriye serî.

Di sala 1963yî de hatiye Swîssre'yê û paşê ji wir jî derbasê Almanya'yê bûye. Di navbera sala 1967-1975ê de jî li zankoya Berlîn'ê xwandina aboriyê (ekonomi) kiriye.

Piraniya jiyan û têkoşîna watedar a rewşenbîr û siyasetmedarê kurd mamoste Hemreş Reşo, ji bo vejandin, pêşvexistin û parastina ziman û çanda kurdî bûye.

Hemreş Reşo van salên xwe yên li dîasporayê ku tam 40 sal dike, bi tevayî di riya pêşvexistin û parastina çand û zimanê kurdî de buhurandiye. Ji me re sê govarên kurdî yên di dîroka çand û zimanê me de, her yek bi serê xwe sê dîmen û asoyên geş û xweş in, pêşkêş kiriye; KURDISTAN (multi-lingual kurd/îng/ereb), HÊVIYA WELÊT û ÇIYA.

Doz û têkoşîna Hemreş Reşo'yî, xebata wî ya di warê çand û zimanî de, di dîroka xebata li derveyî welêt, gavên pir ber bi pêş de ne û di dîroka ziman û çanda kurdî de wê her dem xwedî ciyeke herî diyar be.

Hemreş Reşo di roja 27/12.2003yî de li bajarê Disburg'ê li Almanya'yê koça dawiyê kiribû. Hemreş Reşo gava ji dunyayê bar kir, serokê Partiya Demokrat a Kurdistana Bakur bû.