KURTE BIYOGRAFÎ YA Dr LAMÎA BAKSÎ

Sala 1954 ji dayik dibe. Piştî xwendina xwe ya dibistana destpêkî, sala 1967 dest bi Dibistana Mamosteyên jin a Şevnistî ya Wanê (Van yatılı Kız İlk Öğretmen Okulu) dike û sala 1974 vê xwendinê dibe serî. Sala 1975'a li gundê Civakê yê ser bi Diyarbekrê salekê wek mamoste dixebite.

Sala 1976 tê Swêdê û li nav heman salî kursa zimanê swêdî kuta dike. Sala 1977 li Karolinska Institut a Unîversîteya Stockholmê dest bi xwendina bijîşkiyê dike. Sala 1983 vê xwendinê dibe serî û li Stockholmê salekê jî wek doktor dixebite.

Paşê sala 1984'a vedigere Kurdistan'ê û tevlî Şoreşa Kurdistan'ê dibe. Navê 'Dr Cîhan' ê nepenî werdigire.Li nav refên şoreşê Sala 1987 gava temenê wê 33 sal e ji hêla tevgera Xapo ve bi zanetî (mahsusen) tê kuştin. Ji ber ku, li ser sîparîşa dewleta tirk a dagîrker, tevgera Xapo bernameya (programa) jinavbirina (tasfiyekirina) HEMÎ rewşenbîrên kurda wek erkeke veşartî cîbicî dikir. Loma wek ew bi xwe mikûr tên (îtîraf dikin), ''17 hezar qetlên navxweyî' (17 bin iç infaz) bi destê tevgera Xapo yê xaîn hat kirin. Şehîd Dr Lamîa Baksî hîna yek ji van 17 hezar berxên degme yên kuştiyên milletê kurd ê ji hêla serokên wî bi xwe piştlêşikenandî ye.

Derbareyê sedem û cihê qetilkirina wê Baranê Dêrsimî (''Sarı Baran'') ku yek ji fermandarên berê yê ARGK'ê bû, li Xanî TV ji Selîm Curukkaya re weha dibêje. Li baregeha gundê Arê li Başûrê Kurdistanê ku nîv saet ji Şemdînan dûr e, sala 1987, bi fermana Ocalan ji Şamê û bi destê Cemîl Bayık bi cîkirina vê fermanê bi tawanbariya ''ajantiya SAPO''yê (polîsê veşartî yê Swêdê) hat sûcbarkirin û înfazkirin. Laşê wê li wir hat veşartin.