Şakir Epozdemir

Siyasetmedar

Home  |  Destpêk  |  Ana Sayfa

Di gel mîrzade Sînemxan Bedirxan

Di gel mamoste Mahmûd Osman

Di gel mamoste ÎsmaÎl Beşîkçî

HELBESTEKA DR. NÛRÎ DÊRSİMΠ

Çiqas diçe rê dirêj dibin, 
Rêka min, 
Min li ser vê rêkê çi hişt û çi nehişt, 
Di şûna qîrê da xwîna xwe 
lê reşand ku tu di ser da bimeşî.
Ey nifşên istiqbalê! 
Di ser seré serbilindan da ez bi rê ketim, 
Ez meşiyam ku hûn li min meyzînin, 
Îlhamê ji min bistînin, 
Min îlhama xwe ji sedsalan girt, 
Ji Arnusan, Spartakûsan û ji hemî sergerdeyên mezin, 
Ew ên ku serên xwe li ber zilmê natewandin, 
Min îlhamé ji wan lehengan girt, 
Bi wê xwûna ku ji eniya min berjêr dibûya, 
Min ji xwe ra tacek çêkir, 
Meşiyam, dimeşim, berê min li stêrka Gelawêj e, 
Ji zilmê ra li firozîyan dixim, 
Li ber lêva teqneyêkê kûr, 
Li kaziban, li ronayîya sibehan mêze dikim. 
Meşiîyam û dimeşim, 
Rêka min ev e, nayê guhertin, 
Ev rêka ku me dibe rojên xweş, 
Ji bo qenciya beşer, 
Ji vê rêkê ra pirêk (rébazek) divé, 
Ez hevalê wan kesa me, 
ku van piran bi hestiyên xwe ava dikin, 
Di giyanê min da volqan hene, 
Dixwazim dawî li koledariyé bînim, 
Her tiştî bihelînim, 
Dinyayeke nûjen, 
Divêm merivayiyeke nûjen biafirînim, 
Dinyayeke wisa ku, 
Şîn û girîn hatibe jibîrkirin, 
Dinyayeke ku hemî kesî bikenîné, 
Ev gerdûna em lê ne, 
Berevaciyê vê gerdûnê. 
Belê, ez ji bo wê dinyayê, 
Bê welat im û bê war im, 
Berdidine min û li min dixin, 
Li derê xelkê dierçiqim û diperçiqim, 
Diçim, diçim, berê min li ronayiya şefeqan e, 
Şirûdê azadiyê dixwînim û serhildana xwe qîr dikim, 
Dimeşim, dimeşim, wê bimeşim.

Nûrî Dersimî

Ji tirkî wergerandin: Şakir Epözdemir

KURDISH AUTHORS

Foundation For Kurdish Library & Museum