ŞIKOYÊ HESEN
1928-1976
Helbestvan
| Baweriya min heye gelek ji we vê helbestê xwendine, gelek ji vê kilamê li ser we helbestê sêwirandî guhdarîkirine, bes wê jî dizanim, gelek ji me nizanin dîroka wê helbestê, her car navê hine merivê din didan. Kilama han li ser lêvan e, li dilan da ne. Ahil û cahil vê hizkirine, kilam bûye ya gellêrî. Lê ya dilêşê ew e ku, gelek ji me navê xudanê wê helbestê nizanin. Gelê me her dem qedrê qelema xwe zanibîye, qedr û hurmeta nivîskar û şayîrê xwe girtiye û digire, dibê keda tu kesî winda nebe. Lema min pêwîstî pê dît cardin têkim li bîra we navê xudanê wan xetên zêrîn û şîrin: "Bi nexş, awaz e Letîf û naz e'' Zimanê kurdî"...Şayîre minî hizkirî yê Nemir Şikoyê Hesen ê ! Şikoyê Hesen (1928-1976) Helbestvanekî navdar û gevire di nava helbestvanên Sovêta berê ye, xweyê kirîyameta şayîrtî yê mezin, gelekî hizkirî û naskirî ye di nava netewa me da.Temenê wê efrandinê 50 salî zêdetire, lê dîsa pir û pir xweş û bi wateye. Vê kilamê Hozan Aramê Tigran, Delîl Dîlener û gelek dengbejên kurd strane... ZIMANÊ KURDÎ Bi sêr û sûr e Çawahir dûr e Zimanê kurdî Bi xemil rewş e Şîrin û xweş e Zimanê kurdî Bi nexş, awaz e Letîf û naz e Zimanê kurdî. Gewgewê ciyan e Kubra teyran e Zimanê kurdî Xezel, hilbest e Şemdana dest e Zimanê kurdî Bеyťа Fеqî yе Sеwtа Xаnî yе Zimanê kurdî Şûrê Barzan e Nûra erşan e Zimanê kurdî Mert'ala me ye Dest pêşmerge ye Zimanê kurdî Şikoye Hesen Mûsêsanî |
